डाक्टर मह

रुबी रौनियार, काठमाडौं, असोज १२ - 'डा. हरिबंश आचार्य!' कार्यक्रम संचालकको संवोधनले कलाकार हरिबंश आचार्यलाई एकछिन अकमक्क बनायो। 'ओहो बहिनी मलाई जिन्दगीमा प्रथम पटक डक्टर भनेर बोलाएकोमा धन्यबाद,' हास्दै हरिवंसले भने 'सुटिङमा मात्र डाक्टर बनेको थिएँ। आज पनि कता कता सुटिङ जस्तै लाग्यो।'

 

रातो गाउन र टोपीमा देखिएका आचार्यले आफूलाई पुजारी जस्तो लागेको बताए। 'यो लुगामा त मलाई दशैंको पुजारी जस्तो पो लाग्यो,' उपाधी पाए लगत्तै उनले भने, 'बाउले पढेर डक्टर बन भन्थे। यो सोह्र श्राद्धको समयमा छोरो डक्टर भएको थाह पाएर बुवा स्वर्गमा दंग परे होलान्।'

कार्यक्रममा उनले आफ्नो छोराले ग्रेजुएट गर्दाको मेहनत सम्झिए। 'उसले अमेरिकामा कति मिहिनेत गरेर पढ्दा बल्ल ग्रेजुएट भयो। म भने लन्ठ्याङ लुन्ठ्याङ गर्दै डक्टर भएँ। अब फेसबुकमा फोटो राखेर छोरोलाई पठाउँछु।'

अर्का कलाकार मदनकृष्ण श्रेष्ठले पढेर भन्दा परेर विद्यावरिधी हासिल गर्न मुस्किल परेको सुनाए। 'सरसती पढेर दुइ चार वर्षमै पाउने उपाधि पाउन हामीलाई ४० वर्ष लाग्यो,' श्रेष्ठले भने 'शिक्षा , स्वास्थ्य र प्रजातन्त्र क्षेत्रमा हामीले पुर्याएको योगदानलाई कदर गर्दै विदेशी विश्विद्यायले पहिलो पल्ट प्रदान गरेको यो उपाधिलाई कोठामा सजाएर राख्ने छु।'

ग्रिनफोर्ड विश्वविद्यालयले कलाकारिता मार्फत समाजिक कार्यमा योगदान पुर्‍याए वापत मह जोडीलाई विद्यावारिधी प्रदान गरेको हो। राजधानीमा सोमबार आयोजित कार्यक्रममा सेन्ट्रल अमेरिका स्थित यो विश्वविद्यालयले राजनिती , समाजिक, आर्थिक र कला क्षेत्रमा योगदान पुर्‍याउनेलाई उपाधी व्रदान गरेको थियो।

उपप्रधानमन्त्री एवं मधेसी जनअधिकार फोरम ( लोकतान्त्रिकका ) का अध्यक्ष विजय कुमार गच्छदार, एमाले नेता केपी शर्मा ओली, श्रीलंकाका सभासद टीएमए उलुमुदेन ( अनवर ) र भारतका एमएम विश्वविद्यालयका कुलपती तारसेन कुमार गार्ग, सिङगापुरका भिटी थियागा राजन र मलेसियाका सिलिकन कलेज अफ टेक्नोलोजीका निर्देशक कुमार घोसलाई उद्योग विद्यावारिधीको उपाधी प्रदान गरिएको थियो।

from: nagariknewsonline

read more

'हाँसि देऊ एक फेर' को गीत वर्ल्ड प्रिमियर

फिल्मीखबर, काठमाण्डौ, २०६७ आश्विन ३, आईतवार प्रदर्शनको पालो पर्खेर बसेको चलचित्र 'हाँसि देऊ  एक फेर'  को गीत आईतबार फिल्मीखबर डटकम मार्फत वर्ल्ड प्रिमियर गरिएको छ । प्रिमियर गरिएको 'माया संसार हो' बोलको गीतलाई बरिष्ठ कलाकार मदनकृष्ण श्रेष्ठ र हरिबंश आचार्यले गाएका हुन् भने अभिनय पनि उनीहरूले नै गरेका छन् । सुरेश अधिकारीको संगीत रहेको सो गीतको रचना डा कृष्णहरी बरालले  गरेका हुन् । शिब रेग्मीले निर्देशन गरेको सो चलचित्रलाई रमेश त्वायना र राजेश कुमार स्वंगमिखाले निर्माण गरेका हुन् । मंसिर महिनामा प्रदर्शन हुन लागेको चलचित्र 'हाँसि देउ एक फेर' मा मह जोडीको साथमा राजबल्लभ कोईराला, स्वेता खड्का, शुसिल क्षेत्री, शुसिल पोखरेल, किरण केसी, मिथिला शर्मा, राजाराम पौडेल, केशब भट्टराई, बिष्णु सापकोटा, सिरू बिष्ट, रबि गिरी, पल्पसा डंगोल, उत्तम केसीलगायतका ६८ जना कलाकारले अभिनय गरेका छन् जसमा करिब १८ जना हाँस्यकलाकार छन् । बिकाश आचार्य, शिब रेग्मी र रमेश त्वायनाको कथा रहेको सो चलचित्रमा शम्भु सापकोटाको छायाँकन, बसन्त श्रेष्ठको नृत्यनिर्देशन, हिमाल केसीको द्वन्दनिर्देशन रहेको छ । चलचित्रमा पाँच गीत समावेश गरिएको छ जसमा मह जोडी, उदितनारायण झा, मोहितवंश आचार्य र सोनु कक्कडले स्वर दिएका छन् ।

read more

'नेताले रिबन काट्दा नाक काटे जस्तो लाग्छ'

 

काठमाडौं, भदौ ६ (नागरिक) - 'रागिनीले बैरागिनी भएर चित्र बनाएको जस्तो लाग्यो। जुन चित्र हेरे पनि बैरागमात्र देख्छु,' रागिनी उपाध्यायको एकल चित्रकला प्रदर्शनी उदघाटन गर्न शनिबार राजधानीको सिद्धार्थ आर्ट ग्यालरी पुगेका अभिनेता हरिवंश आचार्यले भने। गाईलाई जनताको रूपमा चित्रण गरेको बुझेपछि उनले

थपे, 'काउ माने गाई भनेर पढेको, यहाँ त काउ माने जनता भनेर बुझ्नुपर्ने रहेछ।'

  'गाईजात्रा नेपाल' शीर्षकमा देशको अवस्थालाई प्रतीकात्मक ढंगले उतारिएका चित्रको अवलोकनपछि उनलाई लाग्यो, 'नेतालाई गाली गरेकाले अभिनेतालाईमुख्य अतिथि बनाइएको रहेछ।' नेताहरूको विश्वसनीयता गुम्दै गएपछि यस्ता समारोहमा अतिथिको निम्तो बढी पाउन थालेको उनले सुनाए, 'अचेल त मलाई नेताहरूले रिबन काटेर उद्घाटन गरेको देख्दा आफ्नै नाक काटेजस्तो लाग्छ।' उनले रागिनीका कला सरल, धेरै कुरा बोल्ने र चोटिलो रहेको बताए। अभिनेता मदनकृष्ण श्रेष्ठले चित्रमा जस्तै नेताले जनतालाई 'दुहुनो गाई' बनाएको उल्लेख गरे। उनले नेपालको अवस्थालाई व्यङ्ग्य गर्न गाईजात्रे कार्यक्रम गर्नै नपर्ने बताए। 'देशको अवस्था यति हास्यास्पद बनाएका छन् कि हामीले जति व्यङ्ग्य गरे पनि पुग्दैन,' उनले भने। उनले मनभित्रको उकुसमुकस चित्रमा प्रकट भएको महसुस गरे।
एमाले नेता मोदनाथ प्रश्रितले दैनिक गाईजात्रा देखिने देशमा रागिनीका चित्रलाई 'पीडाको गाईजात्रा'को रूपमा चर्चा गरे। गाईलाई नेपाल आमाको प्रतीक बनाएको चर्चा गदर्ेै उनले भने, 'गाईको खुट्टा, ढाड खोसाखोज गरेको चित्रले अहिलेको क्षेत्रीय र जातीय प्रवृत्तिको संकेत गर्छ।' विकासका नमुनालाई गाईको पुच्छरमा देखाइनुलाई नेपालको पछौटेपनसँग तुलना गरे उनले।
'गाईजस्ता गुनिला जनता र गाई मारी गधा पोस्ने नेता यो प्रदर्शनीको प्रतीकात्मक प्रतिनिधि हुन्,' उनले प्रदर्शनीको परिचय खुलाउने पुस्तिकामा लेखेका छन्, 'तिनलाई अझ सशक्त र संवेदनशील तुल्याउन पौराणिक मिथकीय विम्बहरूको समायोजन गरिएको छ चित्रमा।' उनले चित्रलाई उल्टो मतिका नेतृत्वको गाईजात्रे गतिको जीवनचर्याबाट निरन्तर पीडित देश र जनताको दारुणस्थिति विविध प्रतीक र विम्बद्वारा अभिव्यक्त गर्ने चित्रविधि युवा मगजलाई झक्झक्याएर सही सोच, सुन्दर काम र सुल्टो दिशातिर प्रेरित गर्ने काममा सक्षम रहेको टिप्पणी गरेका छन्।
sourcenagariknews.com

read more

मह जोडीलाई १ लाखको पुरस्कार

काठमाडौं, साउन १९ (नागरिक)- नेपाली हाँस्यब्यंग्य क्षेत्रका सदाबाहार बादशाह मह जोडीलाई यो वर्षका लागि १ लाख ११ हजार १ सय ११ रुपैयाँको बासुदेव लुइँटेल पुरस्कार दिइने भएको छ। पुरस्कार प्रत्येक वर्ष क्रमशः साहित्य, रंगमञ्च र कार्टुन कलामा योगदान पुर्‍याउने व्यक्तित्व एवं संस्थालाई दिइन्छ। यो वर्षमा रंगमञ्चमा हाँस्यब्यग्य विधा अन्तर्गत मह जोडीलाई पुरस्का दिने निर्णय गरिएको हो। वासुदेव लुइँटेलको जन्मदिनको दिन भदौ २३ गते महलाई पुरस्कार प्रदान गरिनेछ।

nagariknews.com

read more