मुम्बई, कात्तिक १३ (एजेन्सी)- प्रदर्शन तयारीमा रहेको गुजारिस फिल्मका निर्देशक सञ्जयलीला भन्सालीले मुख्य भूमिकामा रहेकी ऐश्वर्या रायको यौन विलाप दृश्य हटाएका छन्। बच्चन परिवारकी बुहारी रहेकी ऐश्वर्याको चरित्र बिग्रनसक्ने सम्भावनालाई ध्यानमा राख्दै निर्देशक भन्सालीले प्रदर्शनपूर्व नै फिल्मबाट यौन विलापका दृश्य हटाएका हुन्।निर्देशकले प्रदर्शनपूर्व फिल्मका दृश्य थपघट गर्नसक्ने भन्दै भन्सालीले आफ्नो कार्यको औचित्य पुष्टि गर्ने कोसिस गरे।
गुजारिसमा ऐश्वर्याको जोडीको रुपमा ऋतिक रोशन छन्। धुम २ मा यही जोडीको 'टङकिस'लाई लिएर विवाद चलेपछि ऐश्वर्याका ससुरा अमिताभको अनुरोधमा सो दृश्य फिल्मबाट हटाइएको थियो। अहिले पनि बच्चन परिवारकै अनुरोधमा दृश्य हटाइएको हुनसक्ने बलिउड खबर लेख्ने इन्टरनेट साइटहरुले उल्लेख गरेका छन्।
गुजारिसमा ऐश्वर्याको जोडीको रुपमा ऋतिक रोशन छन्। धुम २ मा यही जोडीको 'टङकिस'लाई लिएर विवाद चलेपछि ऐश्वर्याका ससुरा अमिताभको अनुरोधमा सो दृश्य फिल्मबाट हटाइएको थियो। अहिले पनि बच्चन परिवारकै अनुरोधमा दृश्य हटाइएको हुनसक्ने बलिउड खबर लेख्ने इन्टरनेट साइटहरुले उल्लेख गरेका छन्।
form nagariknews online
नयाँ दिल्ली, असोज १३ - बलिउड अभिनेता अमिताभ वच्चनसँग खाना खान पाउने हो भने कति खर्च गर्न सक्नुहुन्छ? अमिताभले आफूसँग खाना खानेको बोलकबोल अघि सारेका छन्। अनि उनीसँग खाना खान ६ लाख भारतीय रुपैयाँसम्म तिर्न तयार भएका छन्, उनका फ्यान। एउटा च्यारिटीको लागि अमिताबले वेबसाइट इबेमा बोलकबोल सुरु गरेका थिए। जसमा उनीसँग लन्चका लागि १ हजार १ रुपैयाँ तिर्न चाहनले प्रस्ताब सुरुमा परेको थियो। यो प्रस्ताव बढ्दै गएर ६ लाख रुपैयाँसम्म पुगेको हो।
मुम्बई, असोज ७ - रिलिजको मुखैमा पुगेको फिल्म अन्जाना अन्जानीको प्रवर्द्धन गर्न रियालिटी सो छोटे उस्ताद पुगेका हिरो रणवीर कपुर रुमाल बेरिएर नाच्न बाध्य भए। हिरोइन प्रियंका चोपडासँग फिल्मको प्रवर्द्धन गर्न पुगेका रणवीरलाई छोटो उस्तादका प्रतिस्पर्धीहरुले उनको फिल्म सावरियामा जस्तै 'टावेल डान्स' देखाउन भने। रणवीर लजाए तर नाच्न वाध्य भए। 
मुम्बई, भदौ ३० (एजेन्सी) - बलिउड हिरोइन काजोलले छोरा जन्माएकी छिन्। हिरो अजय देवगान र कजोलको यो दोस्रो सन्तान हो। पारिवारिक स्रोतका अनुसार लिलावती अस्पतालमा छोरा जन्माएकी काजोल आमाछोराको अवस्था राम्रो छ। काजोल-अजय दम्पतीको छोरी नैशा ७ वर्षकी छिन्। मधुर भण्डारकरको निर्देशनमा बन्दै गरेको फिल्म दिल तो बच्चा है जी (जसमा अजयले अभिनय गरिरहेका छन्)ले ट्वीट गरेको छ, 'छोराको लागि अजय र काजोललाई बधाई। गणपति बाप्पा मोरिया...'
मुम्बई, भदौ २० - गोलमाल ३ सार्वजनिक गर्ने तयारीमा रहेका बलिउडका अभिनेता अजय देवगानले सार्वजनिक स्थानमा चुरोट खाएवापत २ सय रुपैयाँ जरिवाना तिरेका छन्। गोलमाल ३ को सुटिङकै समयमा भारतको चर्चित वीच गोवामा उनले सार्वजनिक स्थानमा चुरोट खाएको उजुरी परेको थियो। आइनोक्स सिनेमा हल नजिकै उनले चुरोट खाएको आरोपसहित राष्ट्रिय धुमपान नियन्त्रण कार्यालयमा उजुरी परेको हो।उक्त कार्यालयले उनलाई सार्वजनिक स्थानमा चुरोट खाएवापत २ सय रुपैयाँ तिर्न निर्देशन दिएको थियो। गत वुधबार मात्रै अजयका सहयोगीले चुरोट खाएको मूल्य तिरे। सन् २००३ मा भारतले सार्वजनिक स्थानमा चुरोट खान निषेध गरेको छ। 
मुम्बई, भदौ १४ (एजेन्सी)- बलिउडमा अब अर्को स्टारपुत्रीको पालो आएको छ। उनी हुन्, सोनाक्षी सिन्हा। अभिनेता शत्रुघ्न सिन्हाकी छोरी सोनाक्षी 'दबंग' फिल्ममा सलमान खानको जोडी भएर देखिँदैछिन्। भदौ २५ मा रिलिज हुने 'दबंग'मा सोनाक्षीलाई बिहारी युवतीको भूमिकामा हेर्न पाइनेछ। फिल्ममा विनोद खन्ना, डिम्पल कपडिया, अरबाज खान पनि छन्। 
मुम्बई, भदौ ३ - थ्री इडियटलगत्तै सस्तो फिल्म पिपली लाइभबाट महँगो आम्दानी गर्न सफल हिरो आमिर खानलाई धुम ३ मा भिलेनमा खेल्न प्रस्ताव आएको छ। यसअघि बनेका धुमका दुई भागमा भिलेनकै भूमिका सबैभन्दा सशक्त थियो। धुममा जोन अव्राहम र धुम २ मा हृतिक रोशन। दुबै भिलेनकै रोलमा थिए। आदित्य चोपडाले आमिर खानलाई धुमको सिक्वेलमा प्रस्ताव गरेका हुन्।
ऋषिकेश दाहाल - सैफअलि खानले स्कुलमा पढ्दा एउटी केटीलाई किस गरेका रहेछन्। समाचार कक्षमा यो खबर आइपुग्दा करिब २५ देखि ३० वर्ष लाग्यो होला। त्यसपछि २४ घन्टे समाचार दिन खटिएका धुरन्धर पत्रकारहरु जुटे 'ब्रेकिङ न्युज' बनाउन। यस्तो समाचार कक्षमा नत्थाले आत्महत्या गर्ने खबर कम रोचक हुने भएन। त्यसपछि नत्था बन्यो 'सेलिव्रेटी' र उसले आची गरेको समेत खिचेर समाचार बनाउन तयार भए मिडिया। के हाम्रो मिडियाको अवस्था यही हो? 
मुम्बई, साउन २७ - बलिउड छिरेको छोटो समयमै सोनम कपुरलाई हलिउडको बाटो खुल्ने भएको छ। ऐसाकी हिरोइन सोनम अब हलिउडको सिनेममा देखिनेछिन। जसको लागि उनको बाबु अनिल कपुर आफै लागिपरेका छन्। हलिउडको स्लमडग मिलेनियरमा काम गरिसकेका बाबु अनिल कपुर छोरीको 'हलिउड सपना' पूरा गराउँदैछन्। 
मुम्बई, साउन २६ -न कुनै ठूला कलाकार, न त ठूलो लगानी नै। आउँदो शुक्रबार रिलिज हुने बलिउडको पिप्ली लाइभले सिनेमाघरमा दर्शक छिर्नु अघि नै लगानी उठाइसकेको छ। आमिर खानले निर्माण गरेको यो फिल्म 'आमिर खान ब्रान्ड'का कारण चर्चामा छ भने लगानी उठिसकेपछि अब जति टिकेट काटिन्छ उति फिल्मको कमाई! बलिउड हङ्गामाले त उनको कमाइलाई त 'उपरवाला जव देता हे तो छप्पर फाडके' समेत भनेको छ। तर फिल्मको लगानी कति र कति रकम उठेको भन्ने समाचारमा खुलाइएको छैन।
आज शुक्रबार सार्वजनिक हुने बलिउड चलचित्र 'वन्स अपअन अ टाइम इन मुम्बई' एक्सन तथा रोमान्टिक चलचित्र हो । एकता कपुरको बालाजी पिक्चर्सले निर्माण गरेको यो चलचित्रमा अजय देवगण, इमरान हासमी, कंगना रानावत, प्राची देसाई, रणदीप हुद्दा, गौहर खान, अवतार गिल आदि कलाकारले मुख्य भूमिका निर्वाह गरेका छन् । मिलन लुथरियाद्वारा निर्देशित यो चलचित्रलाई प्रीतमले संगीतबद्ध गरेका हुन् भने यसका गीतहरू मिका सिंह, केके, सुनिधि चौहान, मोहित चौहान, राहत फतेह अलि खान आदिले गाएका छन् । फरक शैलीको कथामा निर्माण भएको यो चलचित्रलाई एक जना प्रहरी अधिकृतको आँखाबाट हेर्ने प्रयास गरिएको छ । चलचित्रमा सन् ७० को दशकको कथा समावेश छ, जतिबेला मुम्बईमा अन्डरवल्र्डको परिभाषा परिवर्तन भैरहेको थियो । मुम्बईमा अन्डरवल्र्डको चहलपहल कसरी प्रारम्भ भयो ? के कारणले भारतमा यो अपराध प्रारम्भ भयो ? यही कुरालाई चलचित्रको मुख्य विषय बनाइएको छ । चलचित्रको कथाअनुसार १९७० मा मुम्बईमा सुल्तान -अजय देवगण) को उदय हुन्छ । अन्डरवल्र्डको संसारमा उनी तीव्र गतिमा अघि बढ्छन् । मुम्बईमा उनको साम्राज्य चल्न थाल्छ । शोएब -इमरान हासमी) कुनै बेला सुल्तानसँगै काम गर्थे, तर अहिले शोएबले सुल्तानको प्रभुत्वलाई चुनौती दिन थालेका छन् । अजय देवगणको चरित्र मुम्बईका पहिलो डन हाजी मस्तानबाट प्रेरित भएको बताइन्छ । चलचित्रमा ४० वर्षअघिको मुम्बई देखाउन प्रशस्त मेहनत गरिएको छ । कलाकारको हाउभाउ तथा पहिरनमार्फत त्यस बेलाको समय झल्काउने प्रयास यो चलचित्रमा भएको छ ।