मुम्बई, असोज ७ - रिलिजको मुखैमा पुगेको फिल्म अन्जाना अन्जानीको प्रवर्द्धन गर्न रियालिटी सो छोटे उस्ताद पुगेका हिरो रणवीर कपुर रुमाल बेरिएर नाच्न बाध्य भए। हिरोइन प्रियंका चोपडासँग फिल्मको प्रवर्द्धन गर्न पुगेका रणवीरलाई छोटो उस्तादका प्रतिस्पर्धीहरुले उनको फिल्म सावरियामा जस्तै 'टावेल डान्स' देखाउन भने। रणवीर लजाए तर नाच्न वाध्य भए। रणवीरले नाचेलगत्तै प्रियंकाले आफ्नो ट्वीटर अपडेट गरिन् र यो नाचले झनै चर्चा पायो। कार्यक्रममा प्रियंकाले छोटो उस्तादहरुसँग नाचेकी थिइन्। यो रियालिटी सोमा रणवीरले सहभागीलाई टावेल डान्स त सिकाए तर उनीहरुले लय समात्न सकेनन्। टावेल डान्समै नाच्दा एक सहभागीको रुमाल झरेपनि उनी नाचिरहेका थिए। - एजेन्सी
