काठमाडौँ, भदौ ३० (नागरिक) - नमुना कलेज अफ फेसन टेक्नोलोजीका विद्यार्थीहरूको डिजाइनमा फेसन शो हुने भएको छ। आउँदो शनिबार राजधानीको सोल्टी क्राउन प्लाजामा हुने 'नागरिक, द जर्नी अफ फेसन स्टाइल कार्निभल'मा २२ विद्यार्थीले छुट्टाछुट्टै थिममा फेसन शो गर्दैछन्। अमितेस कर्ण, अनु केसी, अनुषा श्रेष्ठ, बबिता लामा, बिना प्रजापति, बिनु श्रेष्ठ, चोट्टी शेर्पा, दीपा पाण्डे, हेमा राई, इन्द्र लक्ष्मी आचाजु, ज्वाला राई, कुसुम लिम्बु, कुसुम तब्दार, मैना राई, नवीना महर्जन, नवीना राना, नमिता घिमिरे, प्रीति खड्का, रितु श्रेष्ठ, समता धाख्वा, सृष्टि सिख्राकार र शुभेच्छा थापाले सोमा भाग लिँदैछन्।
'अब्सट्रयाक्ट लाइफ', 'वान वर्ल्ड, वान क्रियटर', 'सेलिब्रेटिङ सिजन अफ लाइफ', 'क्वीन अफ गार्डेन' लगायत २२ थिममा उनीहरूको फेसन डिजाइन देख्न पाइने छ। 'क्रियटिभ राउन्ड'को निर्णायकमा मिस नेपाल सदीक्षा श्रेष्ठ, स्क्वायर वान फेसनकी अनु श्रेष्ठ, यसमिन स्टुडियोकी यस्मिन राणा र साख ग्रुपका किरण प्रकाश साख रहेका छन्। ब्याचलर अफ फेसन डिजाइनिङमा स्नातक अन्तिम वर्षका विद्यार्थीले पाठ्यक्रमको प्रयोगात्मक अध्ययनको सन्दर्भमा यो शो गर्न लागेका हुन्। उनीहरूले आफ्नो थिमको स्केच मंगलबार प्रस्तुत गरेका थिए।
