स्मृति ढुंगाना, काठमाडौँ, भदौ १७- 'मलाई विश्वास थियो, उनले नै जित्छिन् भनेर,' सदीक्षाले मिस नेपाल जितेपछि उनका बाबु रामशंकर श्रेष्ठले भने। ब्लुबर्ड डिपार्टमेन्टल स्टोरका प्रमुख अकाउन्टेन्ट रामशंकर कार्यक्रम अवधिभर छोरीमाथि गर्व गरिरहेका थिए।
सदीक्षाले मञ्चमा ताज लगाउँदै उनका १० वर्षे भाइ सुयभको आँखाबाट आँसु झरिरहेको थियो। कक्षा ५ मा अध्ययनरत् सुयभ दिदीको जितका लागि रोइरहेका थिए।
'तिम्रै दिदीले जितिन बाबु,' रामशंकरले छोराको आँसु पुछ्दै आफूतिर ताने। सदीक्षाकी बहिनी शुभेच्छाचाहिँ कार्यक्रमभर प्रार्थना गरिरहेकी थिइन्। 'धन्यवाद भगवान्,' दिदीलाई विजयी घोषित गरिसकेपछि उनले धन्यवाद दिइन्।
प्रतियोगिताभरि छटपटाइरहेकी उनकी आमा रचना एकछिन पनि कुर्सीमा बस्न सकिनन्। 'उसले नै जित्नुपर्छ,' उनी घरिघरि बर्बराइरहेकी थिइन्। सदीक्षाले तीनवटा टाइटल लगातार हात पारेपछि उनको छटपटी झन् बढेको थियो।
'मेरो लागि मिस नेपाल २०१० उनी नै हुन्,' आमाले यस्तो अनुमान गरेको केही सेकेन्ड नबित्दै विजेतामा सदीक्षाको नाम घोषणा भयो।
रामशंकर र रचनाकी जेठी छोरी हुन्, सदीक्षा। करिब ३० वर्षअघि जिरीको ठोसेबाट काठमाडौं आएका थिए रामशंकर। रचना ललितपुर महानगरपालिकामा आर्किटेक्टको रूपमा कार्यरत छिन्। छोराछोरीले नेवार संस्कार सिकोस् भनेर उनीहरू घरमा नेवार भाषा बोल्छन्।
'मसँग कहिलेकाहीँ नेवारमै बोल्छे सदीक्षा,' बताउने रचनाले छोरीले लामो कुरा नेवारमा बोल्न नसक्ने पनि जानकारी दिइन्।
इपिएसबाट स्कुलिङ सिध्याएकी सदीक्षाले हालै भारतमा अन्तर्राष्ट्रिय वादविवाद प्रतियोगितामा नेपालको प्रतिनिधित्व गरेकी थिइन्। उनले १९ वर्षीया सदीक्षाले यसअघि सन् २००५ मा मिस ब्युटिफुल लेडी पेजेन्ट र सन् २००९ को भ्वाउ टप कलेज विद्यार्थीको उपाधि जितेकी थिइन्।
उनी प्रशिक्षणमा कडा मेहेनती रहेको कोरियोग्राफर रचना गुरुङको अनुभव छ। प्रशिक्षण अवधि सम्भि्कँदै उनले भनिन्, 'उनी अरू प्रशिक्षार्थीहरू जस्तो अनुभवी थिइनन्। तर, फरक थिइन्।'
नम्बर एक सदीक्षा
अन्तिम प्रतिस्पर्धामा छानिएका १८ सहभागीमध्ये सबैभन्दा पहिले नाम दर्ता गराउने युवती थिइन, सदीक्षा श्रेष्ठ। त्यही भएर आयोजकले उनको प्रतियोगी नम्बर एक नै राखिदियो। र, बुधबारको फाइनलपछि उनी साँच्चिकै नम्बर एक बनेकी छिन्, मिस नेपालको उपाधि जितेर।
आर्मी अफिसर्स् क्लबमा भएको कार्यक्रममा एक निर्णायक चाँदनी जोशीले पाँच अन्तिम प्रतिस्पर्धी युवतीलाई 'नेपाली युवालाई जिम्मेवार नागरिक बनाउनका लागि तपाई कुन तीन क्षेत्रमा लगानी गर्नुहुन्छ?' भन्ने प्रश्न सोधेकी थिइन्। त्यसमा 'उद्योग, विज्ञान तथा प्रविधि र शिक्षा क्षेत्रलाई विकास गर्न सक्यो भने नेपालले जिम्मेवारी नयाँ पिँढी पाउने छ,' भन्ने जवाफ दिँदै सदीक्षाले उपाधि हात पारेकी हुन्।
डाबर स्पेसल मिस नेपाल २०१० मा सहाना बज्राचार्य फस्ट रनरअप र संयुक्ता तिम्सिना सेकेन्ड रनरअप भइन्।
उपाधि जिते लगत्तै सदीक्षाले भनिन्, 'आगामी दिनमा म नेपाली समाजका लागि काम गर्न चाहन्छु।' भर्खरै सेन्ट जेभियर्स्बाट आइएस्सी सिध्याएकी उनी सुन्दरताको परिभाषा दिन गाह्रो हुने धारणा राख्छिन्। उनी नेपालमा पर्यटन क्षेत्रलाई टेवा दिन चाहन्छिन्, 'यसपटक मिस वर्ल्डमा नेपालको अझ प्रवर्द्धन गर्न ध्यान दिनेछु।'
मिस नेपालकै इतिहासमा सबैभन्दा बढी अवार्ड हात पार्ने एकमात्र प्रतियोगी पनि हुन् सदीक्षा। उनले मिस नेपालको ताजबाहेक फोटोजेनिक, स्मार्ट वाक र पर्सन्यालिटी समेत हात पारेकी छिन्। कार्यक्रमभरि जमेकी सदीक्षा पर्यटन वर्ष २०११ र डब्लुडब्लुएफकी गुडविल एम्बेस्डर समेत भएकी छन्। त्यसबाहेक चेरी कार र ५० हजार नगद पाएकी छिन्। उनले चीनमा हुने मिस वर्ल्डमा नेपालको प्रतिनिधित्व गर्नेछिन्।
२० वर्षीया सहाना बज्राचार्य इमेज च्यानलसँग आवद्ध छिन्। विभिन्न सामाजिक कार्यमा संलग्न सहानाले विज्ञापन र म्युजिक भिडियोमा काम गरिसकेकी छन्। करिब ३ वर्षदेखि उनी मोडलिङमा छिन्। उनले फिलिपिन्समा हुने मिस अर्थमा भाग लिने छिन्। उनलाई महिन्द्रा स्कुटर र ३५ हजार रुपियाँ प्रदान गरिएको छ।
१९ वर्षीया सेकेन्ट रनरअप संयुक्ता तिम्सिना नार्कोनन नेपालसँग आवद्ध छिन्। एआईजी कल्याण तिमिल्सिनाकी छोरी संयुक्ताले पब्लिक च्वाइस अवार्ड र २५ हजार जितिन्।
१६ औं मिस नेपाल सदीक्षालाई गत वर्षकी मिस नेपाल जेनिसा मोक्तानले ताज लगाइदिएकी थिइन्। त्यसअघि जेनिसाले आफ्नो बिदाइ मन्तव्य दिएकी थिइन्। 'मैले आज कुनै पनि गरगहना लगाएकी छैन, किनभने मिस नेपालको ताज नै सबभन्दा ठूलो गहना हो। यसले मलाई जिम्मेवार बनायो,' भन्दै जेनिसाले नयाँ मिस नेपाललाई पनि जिम्मेवारीमा सफल हुने शुभकामना दिइन्।
फस्ट रनरअप सहानालाई गत वर्षकी ऋचा थापा मगर र सेकेन्ड रनरअप संयुक्तालाई कुन्छाङ मोक्तानले ताज पहिर्याइदिएका थिए। तीन चरणमा विभाजित कार्यक्रमको अन्तिम पाँचमा अजिता सिंह र समृद्धि राई पनि पुगेका थिए।
चाँदनी जोशी, भाष्करराज राजकर्णिकार, सुवास निरौला, लिली थापा, निशा अधिकारी, अपूर्वा श्रीवास्तव, प्रकाश सायमी, चारू चद्दा, हेमन्त गोल्छा, भवानी राणा र शक्ति बेगानी निर्णायक थिए। त्यसबाहेक जयन सुब्बा, प्रशान्त ताम्राकार र प्रभा अमात्यले स्मार्ट वाक टाइटलको मूल्यांकन गर्न सघाएका थिए।
नौवटा उपाधिमध्ये हेयर सुजाता स्वाँर, स्माइल अजिता सिंह, ब्युटिफुल कम्प्लेक्सन प्रियारानी लामा, फ्रेन्डसिप चाँदनी देवाजु र ट्यालेन्ट कुसुमाञ्जली केसी पाएका थिए। सबैलाई १० हजार रुपैयाँ दिइयो।
कार्यक्रममा नेपाल म्युजिक स्कुलका कलाकारले नृत्य प्रस्तुत गरेका थिए। प्रतियोगीहरूले करिब पाँच हप्ता कोरियोग्राफर रचना शर्मा गुरुङसँग आत्मविश्वास र नेतृत्वदायी जिम्मेवारी सम्बन्धी प्रशिक्षण लिएका थिए।
मिस नेपालमा यसपटक काठमाडौं, पर्सा, ललितपुर, सिराहा, तनहुँ. काभ्रे, सुनसरी र सप्तरी लगायत जिल्लाका १८ देखि २४ वर्षका युवतीहरूले सहभागिता जनाए।
source:nagariknews.com
अन्तिम प्रतिस्पर्धामा छानिएका १८ सहभागीमध्ये सबैभन्दा पहिले नाम दर्ता गराउने युवती थिइन, सदीक्षा श्रेष्ठ। त्यही भएर आयोजकले उनको प्रतियोगी नम्बर एक नै राखिदियो। र, बुधबारको फाइनलपछि उनी साँच्चिकै नम्बर एक बनेकी छिन्, मिस नेपालको उपाधि जितेर।आर्मी अफिसर्स् क्लबमा भएको कार्यक्रममा एक निर्णायक चाँदनी जोशीले पाँच अन्तिम प्रतिस्पर्धी युवतीलाई 'नेपाली युवालाई जिम्मेवार नागरिक बनाउनका लागि तपाई कुन तीन क्षेत्रमा लगानी गर्नुहुन्छ?' भन्ने प्रश्न सोधेकी थिइन्। त्यसमा 'उद्योग, विज्ञान तथा प्रविधि र शिक्षा क्षेत्रलाई विकास गर्न सक्यो भने नेपालले जिम्मेवारी नयाँ पिँढी पाउने छ,' भन्ने जवाफ दिँदै सदीक्षाले उपाधि हात पारेकी हुन्।
डाबर स्पेसल मिस नेपाल २०१० मा सहाना बज्राचार्य फस्ट रनरअप र संयुक्ता तिम्सिना सेकेन्ड रनरअप भइन्।
उपाधि जिते लगत्तै सदीक्षाले भनिन्, 'आगामी दिनमा म नेपाली समाजका लागि काम गर्न चाहन्छु।' भर्खरै सेन्ट जेभियर्स्बाट आइएस्सी सिध्याएकी उनी सुन्दरताको परिभाषा दिन गाह्रो हुने धारणा राख्छिन्। उनी नेपालमा पर्यटन क्षेत्रलाई टेवा दिन चाहन्छिन्, 'यसपटक मिस वर्ल्डमा नेपालको अझ प्रवर्द्धन गर्न ध्यान दिनेछु।'
मिस नेपालकै इतिहासमा सबैभन्दा बढी अवार्ड हात पार्ने एकमात्र प्रतियोगी पनि हुन् सदीक्षा। उनले मिस नेपालको ताजबाहेक फोटोजेनिक, स्मार्ट वाक र पर्सन्यालिटी समेत हात पारेकी छिन्। कार्यक्रमभरि जमेकी सदीक्षा पर्यटन वर्ष २०११ र डब्लुडब्लुएफकी गुडविल एम्बेस्डर समेत भएकी छन्। त्यसबाहेक चेरी कार र ५० हजार नगद पाएकी छिन्। उनले चीनमा हुने मिस वर्ल्डमा नेपालको प्रतिनिधित्व गर्नेछिन्।
२० वर्षीया सहाना बज्राचार्य इमेज च्यानलसँग आवद्ध छिन्। विभिन्न सामाजिक कार्यमा संलग्न सहानाले विज्ञापन र म्युजिक भिडियोमा काम गरिसकेकी छन्। करिब ३ वर्षदेखि उनी मोडलिङमा छिन्। उनले फिलिपिन्समा हुने मिस अर्थमा भाग लिने छिन्। उनलाई महिन्द्रा स्कुटर र ३५ हजार रुपियाँ प्रदान गरिएको छ।
१९ वर्षीया सेकेन्ट रनरअप संयुक्ता तिम्सिना नार्कोनन नेपालसँग आवद्ध छिन्। एआईजी कल्याण तिमिल्सिनाकी छोरी संयुक्ताले पब्लिक च्वाइस अवार्ड र २५ हजार जितिन्।
१६ औं मिस नेपाल सदीक्षालाई गत वर्षकी मिस नेपाल जेनिसा मोक्तानले ताज लगाइदिएकी थिइन्। त्यसअघि जेनिसाले आफ्नो बिदाइ मन्तव्य दिएकी थिइन्। 'मैले आज कुनै पनि गरगहना लगाएकी छैन, किनभने मिस नेपालको ताज नै सबभन्दा ठूलो गहना हो। यसले मलाई जिम्मेवार बनायो,' भन्दै जेनिसाले नयाँ मिस नेपाललाई पनि जिम्मेवारीमा सफल हुने शुभकामना दिइन्।
फस्ट रनरअप सहानालाई गत वर्षकी ऋचा थापा मगर र सेकेन्ड रनरअप संयुक्तालाई कुन्छाङ मोक्तानले ताज पहिर्याइदिएका थिए। तीन चरणमा विभाजित कार्यक्रमको अन्तिम पाँचमा अजिता सिंह र समृद्धि राई पनि पुगेका थिए।
चाँदनी जोशी, भाष्करराज राजकर्णिकार, सुवास निरौला, लिली थापा, निशा अधिकारी, अपूर्वा श्रीवास्तव, प्रकाश सायमी, चारू चद्दा, हेमन्त गोल्छा, भवानी राणा र शक्ति बेगानी निर्णायक थिए। त्यसबाहेक जयन सुब्बा, प्रशान्त ताम्राकार र प्रभा अमात्यले स्मार्ट वाक टाइटलको मूल्यांकन गर्न सघाएका थिए।
नौवटा उपाधिमध्ये हेयर सुजाता स्वाँर, स्माइल अजिता सिंह, ब्युटिफुल कम्प्लेक्सन प्रियारानी लामा, फ्रेन्डसिप चाँदनी देवाजु र ट्यालेन्ट कुसुमाञ्जली केसी पाएका थिए। सबैलाई १० हजार रुपैयाँ दिइयो।
कार्यक्रममा नेपाल म्युजिक स्कुलका कलाकारले नृत्य प्रस्तुत गरेका थिए। प्रतियोगीहरूले करिब पाँच हप्ता कोरियोग्राफर रचना शर्मा गुरुङसँग आत्मविश्वास र नेतृत्वदायी जिम्मेवारी सम्बन्धी प्रशिक्षण लिएका थिए।
मिस नेपालमा यसपटक काठमाडौं, पर्सा, ललितपुर, सिराहा, तनहुँ. काभ्रे, सुनसरी र सप्तरी लगायत जिल्लाका १८ देखि २४ वर्षका युवतीहरूले सहभागिता जनाए।
source:nagariknews.com
